Un carro con Baco enriba arrastrado por dous tigres aproxímase polo fondo da galería. Trátase do "Triunfo de Baco", de Cornelis de Vos. Recoñéceno as Tres Grazas de Rubens ó seu paso e xime algunha Inmaculada de Murillo identificándoo co demo.
De fronte, de repente, aparece o Carro do Feo, de Hyeronimus Bosch. Para os que pensaban que este carro ía restaurar o estrondo da sala é unha decepción comprobar que faltan os arrepentidos (o frade gordo, o sacamoas, o da erótica cornamusa, o bruxo do sombreiro, o demente errático), que seguramente están a converter ó Diadumenos, a Castor e Pólux, ó Fauno do Cabirto ou á Venus do Golfiño.
Baco ri e os tigres ameazan ó carro do feo, mentres o anxo deste último mira ó ceo mentres canta. "O anxo canta o benaventurado milagre da vida, regalo de Deus; os amantes apórtanlle a puxanza do amor humano; e o demo insufla, coas notas do seu instrumento, unha sabia enerxía feliz." O laúde cobra vida e, como a música amansa as feras, os tigres réndense e ronronean como grandes gatos. Finalmente, ata o reticente Baco se resigna e érguese no carro, aceptando a victoria do carro flamenco neste envite e seguíndoo na retirada. É improbable que o carro de Baco se atreva a asomar outra vez polo primeiro piso do Museo.
Información sobre Cornelis de Vos
Información sobre Hyeronimus Bosch
ACTIVIDADES:
- Analiza os significados alegóricos do "Carro do feo".
sábado, 22 de diciembre de 2007
Suscribirse a:
Entradas (Atom)